Ferðast í Føroyum

Njót tríggjar dagar og tvær nætur í miðbýnum í Havn. Hetta er møguleikin hjá tykkum at slappa av í høvuðsstaðnum. Tit gista á Hotel Hafnia, har blíðskapurin er í hásæti. Við í pakkanum er eisini ein betri biti á ómetaliga hugnaligu matstovuni Katrinu Christiansen. Her fært tú leskiligar gloypubitar við føroyskum rávørum.  Tú fert eisini ein óføran stimitúr. Tit loysa undir Bryggjubakka og stevna í stillum út eftir vágni og til Boðanesar og víðari til Hoyvíkar. Skiparin fer at greiða frá spennandi søgum og hendingum á leiðini. Tit kunnu eisini leggja ein ríðitúr aftrat í keypskurvina. Berg Hestar skipa fyri túrinum á rossabaki við Oyggjarvegin.    Hetta er pakkin til tín, sum vilt ferðast í Føroyum og uppliva miðbýin í Havn í summar. Vel dagar og bóka túrin.

Njótið tríggjar dagar og tvær nætur í Eysturoynni. Oyggin bjóðar ógloymandi upplivingar frá morgni til myrkurs. Tit gista á Gjáargarði í vøkru mentabygdini Gjógv. Við í pakkanum er eisini ein betri biti á Gjáargarði. Her fáa tit notið friðin og góða matin til fulnar.  Tit fara eisini ein spennandi gongutúr við ferðaleiðara niðam á hægsta fjallið í Føroyum. Túrurin niðan á Slættaratind, sum hevjar seg 880 metrar úr sjónum, er lættur og barnavinarligur. Á leiðini greiðir ferðaleiðarin frá um mongu søguligu hendingarnar í norðasta partinum í Eysturoynni. Hetta er pakkin til tín, sum vilt ferðast í Føroyum og uppliva Eysturoynna í summar. Vel dagar og bóka túrin.

Njótið tríggjar dagar og tvær nætur í Mykinesi. At ferðast í Mykinesi er sum at ferðast í ein annan heim. Ótrúligt og ógloymandi. Fuglalívðið, grøna grasið, friðurin. Mykines er ein perla í Føroyum, og nú kunnu tit njóta hesa ótrúligu oynna í frið á náðum. Tit gista í hugnaligu bygdini, sum liggur oman fyri atløgubryggjuna. Við í pakkanum er eisini ein betri biti á gistingarhúsi í bygdini, har tit fáa notið summarið, løtuna og góðan mat.  Tit fara eisini ein frálíkan gongutúr við ferðaleiðara til vitan á Mykineshólmi. Túrurin er lættur og barnavinarligur. Á leiðini út í hólman ganga tit fram við serstaka lundalandinum.  Hetta er pakkin til tín, sum vilt ferðast í Føroyum og uppliva Mykines í summar. Vel dagar og bóka túrin.

Njótið tríggjar dagar og tvær nætur í vøkru oynni vestantil í Føroyum. Vágar bjóða tykkum ríkar upplivingar í serstakari náttúru. Tit gista á Gamla Hotelli í Miðvági, sum liggur væl fyri miðskeiðis í bygdini beint við handlar og hugnaligar býlingar. Við í pakkanum er eisini ein betri biti á gistingarhúsinum, har tit fáa notið eyðkenda gestablídnið í Vágum.  Tit fara eisini ein frálíkan gongutúr við ferðaleiðara til Fjallavatn. Túrurin er lættur at ganga. Við Fjallavatn er heiðafuglur at hoyra - sonn friðsæla. Síðani gongur leiðin víðari til Reipsáfoss, har frítt útsýni er yvir Víkar. Ein einastandandi sjón og opið hav so langt, eygað røkkur. Hetta er pakkin til tykkum, sum vilja ferðast í Føroyum og uppliva Vágar í summar. Vel dagar og bóka.

Njótið tríggjar dagar og tvær nætur í høvuðsstaðnum. Hetta er møguleikin hjá tykkum at slappa av við óføra góðum útsýni yvir Havnina. Tit gista á Hotel Føroyum, har tit verða borin á lógvum frá tí løtu, tit trína inn í forhøllina. Við í pakkanum er eisini ein betri biti á nýumvældu matstovuni á gistingarhúsinum, har kokkarnir kína fyri hvørjum einasta rætti.  Tit fara eisini ein óføran gongutúr við ferðaleiðara av Argjum, um Kirkjubøreyn og til Kirkjubøar. Setið bilin við Skúlan á Argjahamri, og her tekur ein royndir ferðaleiðari ímóti tykkum. Nú gongur leiðin um Kirkjubøreyn, og nakað seinni koma tit til Kirkjubøar. Á hesum søguliga stað hoyra tit suðið frá havinum og merkja forna mentanararv okkara heilt nær. Ein hýruvognur kemur eftir tykkum og koyrir tykkum aftur til bilin, sum stendur á Argjum. Tit kunnu eisini leggja ein ríðitúr aftrat í keypskurvina. Berg Hestar skipa fyri túrinum á rossabaki beint við síðuna av Hotel Føroyum.    Hetta er pakkin til tykkum, sum vilja ferðast í Føroyum og uppliva Havnina í summar. Vel dagar og bóka.

Njótið tríggjar dagar og tvær nætur í fjarskotnu oynni sunnalagast í Føroyum. Suðuroy er á tremur við góðum upplivingum, sum tit kunnu taka við tykkum víðari á lívsleiðini. Her fáa tit veruliga slappað av saman við tykkara kæru. Tit gista á spildurnýggja Brim Bed & Breakfast, sum liggur væl fyri miðskeiðis í Vági beint við handlar og hugnaligar býlingar. Við í pakkanum er eisini ein betri biti á gistingarhúsinum, har tit fáa notið góðar ráðvørur og fjálga tænastu.  Tit fara eisini ein frálíkan gongutúr við ferðaleiðara til Rituskor, har smala brúgvin toyggir seg tvørturum djúpu skorina. Njótið einastandandi útsýnið yvir Ásmundarstakk og steyrrætta bergið, ið hevjar seg úr sjónum so bringubrætt. Hetta er pakkin til tykkum, sum vilja ferðast í Føroyum og uppliva Suðuroy í summar. Vel dagar og bóka.

Njótið tríggjar dagar og tvær nætur í vakra umhvørvinum norðalagast í Føroyum. Viðareiði er ein sonn perla, og her kunnu tit slappa av saman við tykkara kæru. Tit gista á Hotel Norð, sum liggur væl fyri Í bygdini og við stórbærum útsýni yvir sjógv og fjøll. Við í pakkanum er eisini ein betri biti á gistingarhúsinum, har tit fáa notið góðar ráðvørur og góða tænastu.  Tit fara eisini ein frálíkan gongutúr við ferðaleiðara niðan á Villingardalsfjall, sum hevjar seg frælst og frítt yvir bygdina. Njótið einastandandi útsýnið yvir oyggjarnar, tá ið tit standa á tindinum. Hetta er pakkin til tykkum, sum vilja ferðast í Føroyum og uppliva Norðoyggjar í summar. Vel dagar og bóka pakkan.